Aaron Remsdeyl "Nyukasl"ga o‘tishi mumkin.
Sky Sports jurnalisti Kit Daunining ma’lum qilishicha, darvozabon va klub shartnoma imzolash bo‘yicha muzokaralar olib bormoqda.
"Sautgempton" darvozaboni Eddi Xau qo‘l ostida "Bornmut"da o‘ynagan va "Nyukasl" bosh murabbiyi o‘tgan yozdayoq uning transferiga qiziqish bildirgandi.
"Manchester Siti"ga o‘tayotgan Jeyms Traffordning transferi barbod bo‘lgach, klub yana Remsdeyl nomzodiga qaytdi.
O‘tgan mavsumda angliyalik futbolchi APLda 30 ta o‘yinda maydonga tushdi. Mavsum yakunlariga ko‘ra, "Sautgempton" Chempionshipga tushib ketdi.
