Аарон Рэмсдейл "Ньюкасл"га ўтиши мумкин.
Sky Sports журналисти Кит Даунининг маълум қилишича, дарвозабон ва клуб шартнома имзолаш бўйича музокаралар олиб бормоқда.
"Саутгемптон" дарвозабони Эдди Хау қўл остида "Борнмут"да ўйнаган ва "Ньюкасл" бош мураббийи ўтган ёздаёқ унинг трансферига қизиқиш билдирганди.
"Манчестер Сити"га ўтаётган Жеймс Траффорднинг трансфери барбод бўлгач, клуб яна Рэмсдейл номзодига қайтди.
Ўтган мавсумда англиялик футболчи АПЛда 30 та ўйинда майдонга тушди. Мавсум якунларига кўра, "Саутгемптон" Чемпионшипга тушиб кетди.
