"Marsel" markaziy yarim himoyachisi Ismoil Kone faoliyatini "Sassuolo"da davom ettiradi. Bu haqda italiyaliklar matbuot xizmati klub saytida rasman ma’lum qildi.

Kanadalik xavbek "Sassuolo"da sotib olish huquqi bilan ijara asosida to‘p suradi. Ijara shartnomasining muddati bir mavsum.

Kone o‘tgan yilning yozida "Marsel"ga o‘tgandi. Qishda u "Renn"ga ijaraga berildi. Umumiy hisobda 23 yoshli xavbek ikki klub safida 22 ta o‘yinda maydonga tushib, 2 ta gol va 1 ta golli uzatmani o‘z hisobiga yozdirib qo‘ydi. Transfermarkt ma’lumotlariga ko‘ra, kanadalikning narxi - 9 mln yevro.