"Марсель" марказий ярим ҳимоячиси Исмоил Коне фаолиятини "Сассуоло"да давом эттиради. Бу ҳақда италияликлар матбуот хизмати клуб сайтида расман маълум қилди.
Канадалик хавбек "Сассуоло"да сотиб олиш ҳуқуқи билан ижара асосида тўп суради. Ижара шартномасининг муддати бир мавсум.
Коне ўтган йилнинг ёзида "Марсель"га ўтганди. Қишда у "Ренн"га ижарага берилди. Умумий ҳисобда 23 ёшли хавбек икки клуб сафида 22 та ўйинда майдонга тушиб, 2 та гол ва 1 та голли узатмани ўз ҳисобига ёздириб қўйди. Transfermarkt маълумотларига кўра, канадаликнинг нархи - 9 млн евро.
