Yozgi transfer oynasi yakunlanishi arafasida OKMK FK yana bir muhim transferni amalga oshirdi. Superligada yuqori o‘rinlar uchun kurashayotgan «konchilar» darvoza chizig‘ida raqobatni kuchaytirish maqsadida jamoaga yangi posbonni jalb qildi.
23 yoshli Hamidullo Abdunabiyev faoliyati davomida Toshkentning «Olimpik» va «Bunyodkor» jamoalari sharafini himoya qilib, jami 61 ta o‘yinda maydonga tushgan va ularning 24 tasida darvozasini daxlsiz saqlashga muvaffaq bo‘lgan. Endilikda u OKMK FK bilan 2,5 yillik shartnoma asosida faoliyatini davom ettiradi.
