"Inter Mayami" klubining yangi a’zosi Rodrigo de Paul o‘zining transferi haqidagi fikrlari bilan o‘rtoqlashdi.
"Qo‘tonlar" o‘tgan haftada yulduz argentinalik futbolchi bilan shartnoma imzolaganini rasman e’lon qildi.
"Men Messi bilan jamoadosh bo‘lishni, barcha o‘yinlarda g‘alaba qozonishni va u bilan bu yerda tarix yaratishni istayman. "Inter Mayami" - buyuklik yo‘liga qadam qo‘ygan klub," - dedi 31 yoshli futbolchi intervyuda.
Mayamiga ko‘chib o‘tishdan oldin Rodrigo de Paul to‘rt yil davomida Madridning "Atletiko" klubi sharafini himoya qilgan.













