"Nyukasl" hujumchisi Aleksandr Isak transfer oynasi yopilgunga qadar "Liverpul"ga o‘tishga umid qilmoqda.
25 yoshli futbolchi "qizillar" bilan og‘zaki kelishuvga erishgan - u "qarg‘alar" safida o‘ynashni davom ettirmoqchi emas, bu haqda rahbariyatga ma’lum qilgan. Insayder Fabrisio Romanoning ta’kidlashicha, hujumchi "Nyukasl"ni yaxshi ko‘radi, ammo klub bilan Premyer-liga va Chempionlar ligasida g‘oliblikka da’vogarlik qila olmasligini tushunadi. Aynan shuning uchun shvesiyalik "Liverpul"ga o‘tmoqchi - u barcha sovrinlarni yutishni istaydi va mersisaydliklar tarkibida bunga bemalol erishish mumkin deb hisoblaydi.
Ma’lumotlarga qaraganda, "Nyukasl" Aleksandr Isak uchun 150 mln yevrodan ko‘proq pul so‘ramoqda. "Liverpul" futbolchi uchun ingliz futboli tarixidagi rekord miqdordagi mablag‘ni sarflashga tayyor.
