Jurnalist Daniele Longoning ma’lum qilishicha, "Milan" "Bolonya"dan Noa Okaforni sotib olish huquqi bilan ijaraga olish taklifini olgan.
Biroq, "Milan" bu taklifni rad etdi. Klub 15-20 million yevro atrofidagi mablag‘ evaziga faqat to‘liq transferni ko‘rib chiqishga tayyor. Qolaversa, futbolchi jamoa murabbiyi Massimiano Allegrini tobora ko‘proq ishontirmoqda. Shveysariyalik hujumchi "Pert Glori"ga qarshi o‘rtoqlik o‘yinida (9:0) dubl qayd etgan bo‘lsa, avvalroq "Liverpul"ga qarshi o‘yinda (4:2) gol urgandi.
Okafor so‘nggi olti oyni "Napoli"da ijarada o‘tkazdi va u yerda deyarli maydonga tushmadi - atigi to‘rtta o‘yin va umumiy 36 daqiqa.
