"Barselona" yarim himoyachisi Fermin Lopes transfer xabarlarida tez-tez ko‘zga tashlanib turadi. Shu bilan birga, kataloniyaliklar bosh murabbiyi Xans-Diter Flik Lopesni qo‘yib yubormoqchi emas, chunki uning salohiyatiga ishonadi.

Mundo Deportivo xabariga ko‘ra, Flik Lopesning ketishi haqida hech narsa eshitishni ham istamayapti. Qolaversa, bir kuni germaniyalik murabbiy Fermin transferi haqidagi xabarni o‘qib, futbolchi bilan bog‘lanib, uni jamoada qolishga ko‘ndirgan. Lopes "Barselona"da muvaffaqiyatga erishmoqchi ekanini aytib, Flikni tinchlantirdi.

Fermin Lopes "Barselona"ning asosiy jamoasi safida jami 88 ta o‘yin o‘tkazib, 11 ta gol urgan va sheriklariga 10 ta golli uzatmani amalga oshirgan.

Lopes 22 yoshda, Transfermarkt portali uni 50 million yevroga baholamoqda.