"Барселона" ярим ҳимоячиси Фермин Лопес трансфер хабарларида тез-тез кўзга ташланиб туради. Шу билан бирга, каталонияликлар бош мураббийи Ханс-Дитер Флик Лопесни қўйиб юбормоқчи эмас, чунки унинг салоҳиятига ишонади.
Mundo Deportivo хабарига кўра, Флик Лопеснинг кетиши ҳақида ҳеч нарса эшитишни ҳам истамаяпти. Қолаверса, бир куни германиялик мураббий Фермин трансфери ҳақидаги хабарни ўқиб, футболчи билан боғланиб, уни жамоада қолишга кўндирган. Лопес "Барселона"да муваффақиятга эришмоқчи эканини айтиб, Фликни тинчлантирди.
Фермин Лопес "Барселона"нинг асосий жамоаси сафида жами 88 та ўйин ўтказиб, 11 та гол урган ва шерикларига 10 та голли узатмани амалга оширган.
Лопес 22 ёшда, Transfermarkt портали уни 50 миллион еврога баҳоламоқда.
