"Atalanta" hujumchisi Ademola Lukman jamoaga transfer bo‘yicha so‘rov yuborganini ma’lum qildi. Ko‘rinib turibdiki, 27 yoshli futbolchi so‘nggi paytlarda matbuotda aytilayotgan "Inter"ga o‘tishni istamoqda.

"Transfer uchun rasmiy so‘rov yuborganimni tasdiqlay olaman. Men har doim klub manfaatlarini birinchi o‘ringa qo‘yganman va bungacha yetib bormasligimga umid qilganman, ammo afsuski, hozir tanlovim kam. Muxlislarga aytmoqchiman: Hammasi shu darajaga yetganidan chin dildan afsusdaman. Umid qilamanki, siz vaziyatni tushunasiz," - deb yozdi Lukman.

Lukmanning ta’kidlashicha, "Atalanta" tushunarsiz sabablarga ko‘ra uning transferini bloklamoqda. Futbolchi, shuningdek, uch mavsum davomida Bergamo klubida bor kuchini sarflaganini ta’kidladi. Ademola vaziyat tez orada hal bo‘lishiga umid qilmoqda.