"Аталанта" ҳужумчиси Адемола Лукман жамоага трансфер бўйича сўров юборганини маълум қилди. Кўриниб турибдики, 27 ёшли футболчи сўнгги пайтларда матбуотда айтилаётган "Интер"га ўтишни истамоқда.
"Трансфер учун расмий сўров юборганимни тасдиқлай оламан. Мен ҳар доим клуб манфаатларини биринчи ўринга қўйганман ва бунгача етиб бормаслигимга умид қилганман, аммо афсуски, ҳозир танловим кам. Мухлисларга айтмоқчиман: Ҳаммаси шу даражага етганидан чин дилдан афсусдаман. Умид қиламанки, сиз вазиятни тушунасиз," - деб ёзди Лукман.
Лукманнинг таъкидлашича, "Аталанта" тушунарсиз сабабларга кўра унинг трансферини блокламоқда. Футболчи, шунингдек, уч мавсум давомида Бергамо клубида бор кучини сарфлаганини таъкидлади. Адемола вазият тез орада ҳал бўлишига умид қилмоқда.
