"Brentford" hujumchi Yoan Vissaga o‘rinbosar topsa, uni yozda qo‘yib yuborishga tayyor, deb xabar bermoqda jurnalist Ben Jeykobs.

28 yoshli kongolik futbolchi jamoaning 2 avgust kuni bo‘lib o‘tgan "Kuinz Park Reynjers"ga qarshi o‘rtoqlik o‘yinida (0:1) ishtirok etmadi.

Manbaga ko‘ra, "Brentford" va Yoan Vissa avgust oyida hujumchining ehtimoliy transferi ustida ishlamoqda. Yangi klub tanlashda Vissaning asosiy ustuvorligi Chempionlar ligasida o‘ynash istagi bo‘ladi.

"Nyukasl" "Brentford"ga yangi taklif berishga tayyor, shuningdek, futbolchiga avvalroq "Tottenxem" ham qiziqish bildirgandi.

Xabar qilinishicha, Vissa "Nyukasl"ga qo‘yib yuborilmasa, "Brentford"ni klubda o‘ynashdan bosh tortish bilan tahdid qilgan.