"Брентфорд" ҳужумчи Йоан Виссага ўринбосар топса, уни ёзда қўйиб юборишга тайёр, деб хабар бермоқда журналист Бен Жейкобс.
28 ёшли конголик футболчи жамоанинг 2 август куни бўлиб ўтган "Куинз Парк Рейнжерс"га қарши ўртоқлик ўйинида (0:1) иштирок этмади.
Манбага кўра, "Брентфорд" ва Йоан Висса август ойида ҳужумчининг эҳтимолий трансфери устида ишламоқда. Янги клуб танлашда Виссанинг асосий устуворлиги Чемпионлар лигасида ўйнаш истаги бўлади.
"Ньюкасл" "Брентфорд"га янги таклиф беришга тайёр, шунингдек, футболчига аввалроқ "Тоттенхэм" ҳам қизиқиш билдирганди.
Хабар қилинишича, Висса "Ньюкасл"га қўйиб юборилмаса, "Брентфорд"ни клубда ўйнашдан бош тортиш билан таҳдид қилган.
