Yakshanba kuni mavsumoldi tayyorgarlik doirasida "Tottenxem" va "Nyukasl" Osiyoda o‘rtoqlik uchrashuvi o‘tkazdi. Jamoalar g‘olibni aniqlay olmadi - final hushtagidan so‘ng tabloda 1:1 hisobi qayd etildi. Xyon Min Son uchun bu "Tottenxem"dagi so‘nggi o‘yin edi. 65-daqiqada janubiy koreyalik hujumchi almashtirilganda, jamoa futbolchilari va muxlislar Sonni maydondan olqishlab kuzatishdi.
"Xayrlashish vaqti keldi. "Tottenxem" mening qalbimda abadiy qoladi," - dedi Son o‘yindan keyin.
Xyon Min Son "Tottenxem"da o‘n mavsum o‘tkazdi. Bu vaqt ichida u jamoaning 454 ta o‘yinida qatnashib, 173 ta gol urdi va sherigiga 101 ta golli uzatmani amalga oshirdi.
