"Manchester Yunayted" sardori Brunu Fernandesh klub transferlari borasida fikrlari bilan o‘rtoqlashdi.
Yozda "qizil iblislar" "Vulverxempton"dan Mateus Kunya va "Brentford"dan Brayan Mbeumoni o‘z safiga qo‘shib oldi. Ikki bitimning umumiy qiymati taxminan 150 million yevroni tashkil etdi.
"Hech kimni tanqid qilmoqchi emasman, klub hozirgi moliyaviy vaziyatda qo‘lidan kelgan barcha ishni qilmoqda, ammo o‘tgan mavsumdan keyin tarkibimizni kuchaytirish kerakligi yaqqol ko‘rinib turibdi. Barchada rivojlanish uchun qo‘shimcha rag‘bat paydo bo‘lishi uchun ko‘proq raqobat kerak. Umid qilamanki, biz bu borada yordam beradigan yana bir yoki ikki futbolchini imzolaymiz," - deydi futbolchi.
"Manchester Yunayted" o‘tgan mavsumni Premyer-liga turnir jadvalida 15-o‘rinda yakunladi.
