"Barselona"ning o‘ng qanot himoyachisi Ektor Fort ijaraga ketishi mumkin.
"Ko‘k-anorranglilar"ga nomi oshkor etilmagan Ispaniya va xorij klublaridan 19 yoshli futbolchini ijaraga olish bo‘yicha takliflar kelib tushdi, deya xabar bermoqda jurnalist Karlos Monfort. Da’vogarlar yosh qanot himoyachisiga "Barselona"da olishi dargumon bo‘lgan muntazam o‘yin amaliyotini kafolatlashadi. Kataloniya grandi rahbariyati o‘z tarbiyalanuvchisini qo‘yib yuborishga tayyor.
Ektor Fortning o‘zi hali yakuniy qarorga kelmagan. O‘tgan mavsumda futbolchi Xans-Diter Flik jamoasining 20 ta o‘yinida maydonga tushdi. Ispaniyalik futbolchining amaldagi shartnomasi kelasi yilning yarmigacha mo‘ljallangan.
