"Manchester Yunayted" vingeri Jeydon Sancho nomzodi "Inter" uchun tobora dolzarb bo‘lib bormoqda.

25 yoshli futbolchi "neradzurrilar" uchun ko‘plab variantlardan biri sanalgandi, biroq ustuvorlikdan yiroq edi. La Gazzetta dello Sport xabariga ko‘ra, so‘nggi kunlarda vaziyat o‘zgargan: endilikda Sancho Ademola Lukmanga bozordagi asosiy muqobillardan biri sifatida ko‘rsatilgan. Milan grandining bosslari tarkibni yoshartirish strategiyasiga ham mos keladigan inglizning texnik qobiliyatidan hayratda.

Transfermarkt portalida Jeydon Sanchoning narxi - 28 mln yevro, ammo "qizil iblislar" futbolchini taxminan 25 mln yevroga sotishga tayyor.