Yaqinda "Oltin to‘p" uchun 30 nafar nomzod nomi e’lon qilindi. Da’vogarlar ro‘yxatidan "PSJ"da to‘p tepayotgan Xvicha Kvarasxeliya ham bor edi.
Bu ma’lumotga rossiyalik murabbiy Yuriy Syomin izoh berdi.
"Xvicha u yerga haqli ravishda yetib keldi, chunki u mavsumni juda yorqin o‘tkazdi. U bir vaqtning o‘zida ikkita - Italiya va Fransiya chempionligini qo‘lga kiritdi va Chempionlar ligasi g‘olibiga aylandi. Qolaversa, u ajoyib o‘yinlari bilan Gruziya terma jamoasida o‘zini namoyon qildi. Shuning uchun hammasi tabiiy", - deya Syominning so‘zlarini keltiradi "Sovetskiy sport".
