Promoushen matbuot xizmati ushbu oqshomning asosiy jangini e’lon qildi. Besh raundga mo‘ljallangan jangda ozarbayjonlik Rafael Fiziyev yengil vaznnning sobiq braziliyalik chempioni Charlz Oliveyraga qarshi oktagonga chiqadi.
Taqqoslash uchun, Oliveyra ayni paytda yengil vazn UFC reytingida to‘rtinchi, Fiziyev esa 11-o‘rinni egallab turibdi.
Fiziyev oxirgi jangini 21 iyun kuni Bokudagi UFC Fight Night turniri doirasida Ignasio Baxamondesga qarshi o‘tkazib g‘alaba qozongandi. Oliveyra esa UFC 317 turnirida Iliya Topuriyaga nokaut bilan yutqazgandi.
Rafael Fiziyev MMAda 17 ta jang o‘tkazgan bo‘lib, 13 g‘alaba va 4 mag‘lubiyat qayd etgan. Tajribali Charlz Oliveyra hisobida esa 35 g‘alaba va 11 mag‘lubiyat bor. Uning ishtirokidagi bitta jang o‘tkazilmagan deb topilgandi.














