Madridning "Real" klubi forvardi, yaqinda bo‘lib o‘tgan klublar o‘rtasidagi jahon chempionatida o‘zini ko‘rsatgan Gonsalo Torres yangi shartnomaga ega bo‘ladi, deya xabar bermoqda AS.
"Qirollik klubi" bosslari 21 yoshli futbolchining o‘sishidan mamnun va u bilan hamkorlikni 2030 yilgacha uzaytirmoqchi. Shuningdek, kelishuvda bir milliard yevro miqdoridagi katta tovon puli yoziladi. Hozir uning tovon puli 50 million.
Eslatib o‘tamiz, Gonsalo Garsiya Torres klublar o‘rtasidagi jahon chempionati - 2025 doirasida 6 ta o‘yin o‘tkazgan. Hujumchi 4 ta gol va assistni o‘z hisobiga yozdirib qo‘ydi. "Real" "PSJ"ga 0:4 hisobida yutqazib, yarim final bosqichida turnirni tark etdi.
