"Liverpul" bosh murabbiyi Arne Slot klubning yozgi transferlar bozoridagi faol ishi haqida fikr bildirdi. Transfermarkt ma’lumotlariga ko‘ra, "qizillar" bu yozda yangi o‘yinchilar uchun qariyb 300 million yevro sarflagan.
"Ikki yil davomida o‘zgarishlar bo‘lmagandan so‘ng, biz ko‘p mablag‘ sarfladik. Menimcha, hozir jamoaga yangi nafas berish uchun qulay payt. Biz asosiy tarkibning to‘rt nafar o‘yinchisini va biz uchun katta ahamiyatga ega futbolchilarni yo‘qotdik. Ba’zilari, masalan Trent, ketishni xohladi. Natijada, yangi futbolchilarni sotib olishga majbur bo‘ldik," - dedi Slot.
Angliya chempionatining birinchi turida "Liverpul" o‘z maydoni "Enfild"da "Bornmut"ga qarshi o‘yin o‘tkazadi. Uchrashuv 15 avgust, juma kuni bo‘lib o‘tadi.
