"Ливерпуль" бош мураббийи Арне Слот клубнинг ёзги трансферлар бозоридаги фаол иши ҳақида фикр билдирди. Transfermarkt маълумотларига кўра, "қизиллар" бу ёзда янги ўйинчилар учун қарийб 300 миллион евро сарфлаган.

"Икки йил давомида ўзгаришлар бўлмагандан сўнг, биз кўп маблағ сарфладик. Менимча, ҳозир жамоага янги нафас бериш учун қулай пайт. Биз асосий таркибнинг тўрт нафар ўйинчисини ва биз учун катта аҳамиятга эга футболчиларни йўқотдик. Баъзилари, масалан Трент, кетишни хоҳлади. Натижада, янги футболчиларни сотиб олишга мажбур бўлдик," - деди Слот.

Англия чемпионатининг биринчи турида "Ливерпуль" ўз майдони "Энфилд"да "Борнмут"га қарши ўйин ўтказади. Учрашув 15 август, жума куни бўлиб ўтади.