"Liverpul" bosh murabbiyi Arne Slot jamoasining Angliya Premyer-ligasining yangi mavsumida chempion bo‘lish imkoniyatlari haqida gapirdi.
«Asosiy qiyinchilik shundaki, Premyer-ligani ko‘pchilik yutishga qodir. Bunday tig‘iz chempionatda esa buni ketma-ket ikki marta amalga oshirish juda qiyin bo‘ladi. O‘tgan mavsumda eng shiddatli o‘yin uslubiga ega bo‘lgan "Bornmut"ga qarshi o‘yin bilan yangi mavsumni boshlaymiz. Keyin esa "Nyukasl" va "Arsenal" bilan o‘ynaymiz. O‘tgan mavsumda ko‘p o‘yin amaliyotiga ega bo‘lgan 5-6 nafar futbolchimizni yo‘qotdik va yangi 4 nafarini o‘z safimizga qo‘shib oldik. Lekin bu normal holat», - dedi Slot.
