"Aston Villa" bosh murabbiyi Unai Emeri moliyaviy feyr-pley cheklovlari ko‘plab klublarni katta maqsadlar qo‘yish imkoniyatidan mahrum qilishini aytdi:
"Joriy yoz biz uchun qiyin bo‘ldi, chunki moliyaviy qoidalar jamoani kuchaytirishga sarmoya kiritishni cheklab qo‘ydi. Tushunaman, moliyaviy nazorat reglamenti futbolda klublarning bankrot bo‘lishi va qarzga botishiga yo‘l qo‘ymaslikdek ezgu maqsadda paydo bo‘lgan. Biroq, bu qoidalarni yangilash vaqti keldi, chunki yaxshi vosita hatto yaxshi menejmentga ega bo‘lgan klublarga ham orzu qilish va katta maqsadlar qo‘yishga imkon bermaydigan cheklovga aylandi".
