Italiyaning "Milan" klubi yangi mavsumni g‘alaba bilan boshladi, Massimiliano Allegri shogirdlari Italiya kubogining birinchi raundida "Bari"ni 2:0 hisobida mag‘lub etdi.
"Milan"ning yangi a’zosi Samuel Richchi jamoasi ko‘plab hujumlarni yakunlashda xatoga yo‘l qo‘ymaganida, ko‘proq gol urishi mumkin edi, deb hisoblamoqda.
"Men mamnunman. Mavsumni yaxshi boshladik. Hujumlarni yakunlash kabi takomillashtirilishi kerak bo‘lgan jihatlar bor, ammo bizda vaqt bor. Biz ishlayapmiz," - deya Richchining so‘zlarini keltiradi pianetamilan.it.













