Angliya Premyer-ligasiga qaytgan uch klubdan ikkitasi uchun yangi mavsum omadli boshlandi.
Shanba kuni "Sanderlend" o‘z uyida "Vest Xem"ni yirik hisobda mag‘lub etib (3:0), muxlislarini xursand qilgan bo‘lsa, dushanba kuni "Lids" "Everton"dan o‘yin oxiridagi gol evaziga (1:0) g‘alabani tortib oldi. Opta xabariga ko‘ra, bu bir vaqtning o‘zida ikkita yangi jamoa Premyer-ligani g‘alaba bilan boshlagan tarixdagi uchinchi holat. Ilgari bunday holat faqat 1997/98 ("Bolton" va "Kristal Pelas") va 2021/22 yilgi mavsumlarda ("Brentford" va "Uotford") sodir bo‘lgan.
APLning joriy mavsumining uchinchi yangi jamoasi "Byornli" kampaniyani ancha muvaffaqiyatsiz boshladi: "qarg‘alar" safarda "Tottenxem"ga 0:3 hisobida yutqazdi.













