Англия Премьер-лигасига қайтган уч клубдан иккитаси учун янги мавсум омадли бошланди.

Шанба куни "Сандерленд" ўз уйида "Вест Хэм"ни йирик ҳисобда мағлуб этиб (3:0), мухлисларини хурсанд қилган бўлса, душанба куни "Лидс" "Эвертон"дан ўйин охиридаги гол эвазига (1:0) ғалабани тортиб олди. Opta хабарига кўра, бу бир вақтнинг ўзида иккита янги жамоа Премьер-лигани ғалаба билан бошлаган тарихдаги учинчи ҳолат. Илгари бундай ҳолат фақат 1997/98 ("Болтон" ва "Кристал Пэлас") ва 2021/22 йилги мавсумларда ("Брентфорд" ва "Уотфорд") содир бўлган.

АПЛнинг жорий мавсумининг учинчи янги жамоаси "Бёрнли" кампанияни анча муваффақиятсиз бошлади: "қарғалар" сафарда "Тоттенхэм"га 0:3 ҳисобида ютқазди.