"PSJ"da to‘p tepgan "Real" forvardi Kilian Mbappe Parij klubida darvozabon Janluiji Donnarumma bilan sodir bo‘layotgan vaziyatga munosabat bildirdi.

"Bu qiyin va adolatsiz davrlar. Donnarummaga achinaman," - deya Mbappening so‘zlarini keltiradi Defensa Central.

Donnarumma "Manchester Siti"ga o‘tishga yaqin turibdi. La Stampa xabariga ko‘ra, ingliz klubida darvozabon yiliga 12 million yevro atrofida maosh oladi. Shuningdek, kelishuvda bonuslar ham ko‘zda tutilgan. Shu bilan birga, "PSJ" darvozabon uchun 50 million yevro so‘radi.

2024/25 yilgi mavsumda Donnarumma barcha turnirlarda 47 ta o‘yinda maydonga tushib, 43 ta gol o‘tkazib yubordi, 17 tasida esa gol o‘tkazmadi. Uning shartnomasi 2026 yilning 30 iyuniga qadar amal qiladi.