"Osasuna" La Liga 1-turida "Real" mehmoni bo‘lib, 0:1 hisobida imkoniyatni boy berdi.
"Qaymoqranglilar"ning yagona goli ikkinchi bo‘lim boshida penaltidan kiritildi. "Osasuna" jamoasi bosh murabbiyi Alessio Liskining fikricha, 11 metrlik jarima zarbasi noto‘g‘ri belgilangan.
"U yerda hech qanday dahshatli narsa sodir bo‘lmagani menga aniq edi. Vaziyatni qayta ko‘rib chiqdim - Mbappe Krusning oyog‘ini bosib oldi, keyin esa Krusning oyog‘i unga biroz tegib ketdi. Penalti yo‘q edi," - deya Liskining so‘zlarini keltiradi Goal portali.
La Liganing 2-turida "Osasuna" o‘z maydonida "Valensiya"ni qabul qiladi. O‘yin 24 avgust, yakshanba kuni bo‘lib o‘tadi. "Real" shu kuni "Ovyedo" mehmoni bo‘ladi.
