"Liverpul" bosh murabbiyi Arne Slot klub yozgi transfer oynasida transfer bozoridagi faoliyatini davom ettirishi mumkin bo‘lgan shartni aytdi.
Uning so‘zlariga ko‘ra, jamoa tarkibi yaxshi. Qolaversa, u futbolchilar soni yanada kamroq bo‘lishini istardi, chunki mutaxassis ularning har birini motivasiya qilishda, tarkib tanlashda va o‘yin amaliyoti berishda qiynalmoqda.
"Ammo bizni haqiqatan ham kuchliroq qila oladigan o‘yinchilar bo‘lsa, demak, klub ularni sotib oladi. Ammo faqat hammasi to‘g‘ri bo‘lsa - mos o‘yinchi, narx va pozisiya," - deya Slotning so‘zlarini keltiradi Liverpool Echo.
"Qizillar"ning so‘nggi transfer maqsadi "Nyukasl"ning shvesiyalik forvardi Aleksandr Isak edi. "Liverpul" hujumchi uchun 138 mln yevro taklif qilgan, ammo "hakkalar" futbolchini qo‘yib yuborishga tayyor emas.
