"Manchester Siti" tayanch yarim himoyachisi Rodri Ernandes klub bilan mehnat shartnomasini uzaytirishga yaqin turibdi. Bu haqda insayder Nikolo Skira xabar bermoqda.
Manbaga ko‘ra, 29 yoshli ispaniyalikning yangi shartnomasi 2029 yilgacha mo‘ljallangan. Yangi shartnomaga ko‘ra, "Oltin to‘p" sohibining maoshi oshirilishi aytilmoqda.
Aytish kerakki, Rodri joriy mavsum tizzasidan olgan jarohati sabab hozircha maydonga tushgani yo‘q.
Futbolchining "Manchester Siti" bilan amaldagi shartnomasi 2027 yilga qadar imzolangan. Transfermarkt mutaxassislari futbolchining narxini 110 million yevroga baholamoqda.
