"Манчестер Сити" таянч ярим ҳимоячиси Родри Эрнандес клуб билан меҳнат шартномасини узайтиришга яқин турибди. Бу ҳақда инсайдер Николо Скира хабар бермоқда.
Манбага кўра, 29 ёшли испанияликнинг янги шартномаси 2029 йилгача мўлжалланган. Янги шартномага кўра, "Олтин тўп" соҳибининг маоши оширилиши айтилмоқда.
Айтиш керакки, Родри жорий мавсум тиззасидан олган жароҳати сабаб ҳозирча майдонга тушгани йўқ.
Футболчининг "Манчестер Сити" билан амалдаги шартномаси 2027 йилга қадар имзоланган. Transfermarkt мутахассислари футболчининг нархини 110 миллион еврога баҳоламоқда.
