Fransiya chempionatining 2-turidan o‘rin olgan "Lion" - "Mets" o‘yinida mezbonlar 3:0 hisobida g‘alaba qozondi. O‘yin Liondagi "Park OL" stadionida bo‘lib o‘tdi.
Uchrashuvning 25-daqiqasida Malik Fofana hisobni ochdi. Oradan 5 daqiqa o‘tib jamoa sardori Korenten Tolisso "to‘quvchilar"ning ikkinchi goliga mualliflik qildi. Uchrashuv so‘ngida zaxiradan o‘yinga qo‘shilgan Adam Karabes hisobni yirik ko‘rinishga olib keldi.
"Lion" turnir jadvalida birinchi o‘ringa chiqib oldi. "Mets" esa 0 ochko bilan so‘nggi o‘rinda bormoqda.
