Londonning "Arsenal" klubi hujumchisi Viktor Dyokeresh "Lids"ga (5:0) qarshi o‘yindan keyin jurnalistlarning savollariga javob qaytardi.
48-daqiqada shvesiyalik futbolchi "kanonirlar" safidagi ilk golini urdi, o‘yin oxirida esa penaltini aniq amalga oshirib, dublni rasmiylashtirdi.
"Natijadan juda mamnunman. Ikkita gol urish yoqimli bo‘ldi. Ertami-kechmi, menda shunday lahzalar paydo bo‘lishini bilardim. G‘alaba 5:0, ajoyib kun. Men uchun 90 daqiqa o‘ynash, ritmga kirish va jamoadoshlarimni yaxshiroq o‘rganish muhim edi," - dedi 27 yoshli hujumchi intervyuda.
