"Tottenxem" hamon "Manchester Siti" vingeri Savioni sotib olish niyatida. "Shporlar"ning avvalgi taklifi rad etildi, biroq muzokaralar shu bilan yakunlanmadi. Jurnalist Nikolo Skiraning ta’kidlashicha, London klubi 21 yoshli futbolchi uchun 75 mln yevro taklif qiladi. Braziliyalikning o‘zi allaqachon transferga rozilik bergan - endi barchasi "shaharliklar"ning qaroriga bog‘liq.
Savioning "Manchester Siti" bilan shartnomasi 2029 yilning yarmigacha mo‘ljallangan bo‘lib, uning transfer narxi Transfermarkt talqiniga ko‘ra 50 mln yevroni tashkil etadi. O‘tgan yilning yozida Manchester grandi futbolchini Fransiyaning "Trua" klubidan 25 mln yevroga sotib olgan edi.
