Madridning "Real" klubi darvozaboni Tibo Kurtua "Real Ovyedo"ga (3:0) qarshi o‘yindan so‘ng jurnalistlar bilan suhbatlashdi.
O‘yinda poytaxt grandi Kilian Mbappening dubli va Vinisius Juniorning goli evaziga ustun keldi. Belgiyalik darvozabonning fikricha, jamoa bosh murabbiy Xabi Alonsoning talablarini bajargan.
"Murabbiy bizdan doimiy ravishda pressing qilishni so‘ramoqda, agar raqib qarshi hujumga qochib ketsa, butun jamoa tezda ortga chekinishi kerak - biz bugun aynan shunday qildik va bu oldinga tashlangan jiddiy qadamdir," - deya Kurtuaning so‘zlarini keltiradi Madrid Zone.
