“Al-Ittihod” yarim himoyachisi Ngolo Kante faoliyatini Fransiyada davom ettirishi mumkin.

L’Équipe xabariga ko‘ra, futbolchining vakillari mijozini “Parij” va “Monako” klublariga taklif qilgan.

Hozircha aniq muzokaralar olib borilmayapti. Ammo har ikki klub futbolchining transfer variantini ko‘rib chiqmoqda.

“Chelsi”ning sobiq a’zosi 2023 yildan buyon Saudiya chempionatida to‘p surib keladi. O‘tgan mavsumda u “Al-Ittihod” safida 35 ta o‘yin o‘tkazib, 4 ta gol urdi va 4 ta golli uzatmani amalga oshirdi.