Yevropa top-ligalarida yozgi transfer oynasi yopilishiga bir sutkadan sal ko‘proq vaqt qoldi. Daily Mail sahifalarida yozning so‘nggi kunida Kobbi Maynuning kelajagi haqida material e’lon qilindi. Unda aytilishicha, "Manchester Yunayted"ning 20 yoshli futbolchisi hamon ijaraga ketishni istamoqda. Maynu Angliya terma jamoasi safida jahon chempionatida ishtirok etish imkoniyatiga ega bo‘lishni istaydi, shuning uchun u Brunu Fernandeshga o‘rinbosar rolidan mamnun emas.
Shu bilan birga, ta’kidlanishicha, vaziyat Mateus Kunya va Meyson Mauntning jarohat olishi ortidan o‘zgarishi mumkin. "Byornli"ga qarshi o‘yinda futbolchilar maydonni tark etganida, Brunu Fernandesh hujumga yaqinroq joylasha boshladi, Maynu esa maydon markazida harakat qildi. Umuman olganda, yaqin orada Kobbi ko‘proq o‘yin amaliyotiga ega bo‘lishi mumkin. Bu fakt uning kelajagiga ta’sir qilishi mumkin.
