Peter Shmeyxel "Liverpul"ga qarshi o‘yindan so‘ng (0:1) "Arsenal" futbolini zerikarli deb atadi.

Mikel Arteta boshchiligidagi jamoa APLning 4-turida darvozaga atigi bir marta aniq zarba yo‘llab, mag‘lubiyatga uchradi.

"Umrimda hech kimga bu safargi "Liverpul" kabi g‘alaba tilamaganman. "Arsenal"ning o‘yini juda zerikarli. Arteta, jamoangga futbol o‘ynashga imkon ber! O‘yinchilarga erkinlik ber!

Ishonchim komilki, agar u shunday qilsa, ular ko‘proq o‘yinlarda g‘alaba qozonishadi. "Arsenal"ni haqorat qilmoqchi emasman, lekin ularning futbolini kuzatish juda yoqimsiz.

U raqiblarning kuchsiz tomonlaridan foydalanish va standart vaziyatlarni kutish asosiga qurilgan," - dedi "Manchester Yunayted"ning sobiq darvozaboni.