Yoan Vissa "Brentford"dan "Nyukasl"ga o‘tadi. Bu haqda insayder Fabrisio Romano o‘z ijtimoiy tarmoqlarida yozdi.

Manbaga ko‘ra, klublar kelishuvni og‘zaki ma’qullagan. Kongo DR terma jamoasining 28 yoshli forvardi transferi 63,4 million yevroga tushadi. Uni sotib olishga "Liverpul" ham da’vogarlik qilayotgandi. Avvalroq, Vissa transfer rad etilsa, o‘yinlarni boykot qilishga tayyorligini ma’lum qilgandi.

O‘tgan mavsumda Vissa klub miqyosida 39 ta o‘yinda 20 ta gol urdi va 5 ta golli uzatmani amalga oshirdi.

Ayni paytda "Nyukasl" Angliya chempionatida 3 turda 2 ochko jamg‘argan holda o‘n yettinchi o‘rinda bormoqda.