Йоан Висса "Брентфорд"дан "Ньюкасл"га ўтади. Бу ҳақда инсайдер Фабрицио Романо ўз ижтимоий тармоқларида ёзди.
Манбага кўра, клублар келишувни оғзаки маъқуллаган. Конго ДР терма жамоасининг 28 ёшли форварди трансфери 63,4 миллион еврога тушади. Уни сотиб олишга "Ливерпуль" ҳам даъвогарлик қилаётганди. Аввалроқ, Висса трансфер рад этилса, ўйинларни бойкот қилишга тайёрлигини маълум қилганди.
Ўтган мавсумда Висса клуб миқёсида 39 та ўйинда 20 та гол урди ва 5 та голли узатмани амалга оширди.
Айни пайтда "Ньюкасл" Англия чемпионатида 3 турда 2 очко жамғарган ҳолда ўн еттинчи ўринда бормоқда.
