"Kristal Pelas" markaziy himoyachisi Mark Gexi yozgi transfer oynasida "Liverpul"ga o‘tmadi.
"Qizillar" transfer oynasining so‘nggi soatlarida shartnomani rasmiylashtirishga harakat qilishdi, biroq kelishuv amalga oshmadi. 25 yoshli futbolchi sodir bo‘lgan voqeadan juda norozi va kelasi yili "burgutlar" safini deyarli aniq tark etadi - u mavsum yakunlanganidan keyin tugaydigan shartnomani uzaytirmaydi.
Jurnalist Aleks Krukning yozishicha, Gexiga "Bavariya" da’vogarlik qilmoqda. Myunxen grandi ingliz futbolchisini 2026 yilning yozida erkin agent sifatida taklif qilishdan manfaatdor. "Liverpul" ham futbolchini o‘z safiga qo‘shib olish g‘oyasidan voz kechmadi, ammo u uchun kurashda g‘alaba qozonish oson bo‘lmasligi mumkin: yanvar oyidan boshlab futbolchiga xorij klubi bilan shartnoma oldidan kelishuv tuzishga ruxsat beriladi.













