Madridning “Atletiko” klubining hujumkor yarim himoyachisi Aleks Baena yaqin haftalarda maydonga tusha olmaydi.
24 yoshli futbolchi ko‘richak operasiyasidan muvaffaqiyatli o‘tdi, deb xabar beradi Marca.
Qulay sharoitlarda Baenaning tiklanishi ikki haftadan to‘rt haftagacha davom etadi. Futbolchi xalqaro tanaffusdan so‘ng 13 sentyabr kuni bo‘lib o‘tadigan "Vilyarreal"ga qarshi La Liga o‘yinini o‘tkazib yuboradi.
Aleks Baena o‘tgan yozda "Vilyarreal"dan "Atletiko"ga o‘tgan edi. Ushbu transfer “matraschilar”ga 42 million yevroga tushdi.
