«Manchester Yunayted»ning sobiq futbolchisi Gari Nevill mankunianliklar Germaniya terma jamoasi va Dortmundning «Borussiya» klubi yarim himoyachisi Feliks Nmechani sotib olishi kerak deb hisoblaydi.
«Nmecha o‘sha oqshomdagidek [JCHda Kot-d'Ivuar terma jamoasiga qarshi o‘yinda] qanchalik ko‘p o‘ynasa, uning narxi shunchalik oshib boraveradi. Ammo hozir biz «Manchester Yunayted» «Vest Xem»dan Mateush Fernandesh uchun 100 million funt sterling to‘lashi mumkinligini eshityapmiz. Shuning uchun ular jahon chempionatidan muqobil variantlarni izlashlari va boshqa Yevropa ligalariga ham e’tibor qaratishlari kerak bo‘ladi», — deya Nevillning so‘zlarini keltiradi Metro ITVga tayanib.
O‘tgan klub mavsumida Nmecha 42 ta o‘yinda beshta gol urdi va uchta golli uzatmani amalga oshirdi.
