UYEFA Rossiya yoshlar terma jamoalari faoliyatini to‘xtatilishini siyosiy isteriya bilan izohladi.

- Futbolning siyosat va tashqi siyosat voqealari bilan kesishishiga kelsak, Rossiya klublari va jamoalari – istalgan yosh toifasidagi va istalgan darajadagi – UYEFA shafeligidagi Yevropa musobaqalariga qaytadan qabul qilinishi uchun nima kerak?

- Bizga mutlaqo tushunarli, ziddiyatga barham berish kerak. Mojaro tugashi kerak. Umid qilamanki, biz to‘g‘ri yo‘nalishda ketyapmiz, lekin menda ommaviy axborot vositalaridan boshqa hech qanday ma’lumot yo‘q.

"Biz 17 yoshgacha bo‘lgan yoshlarni, o‘g‘il-qizlarni olib kelmoqchi edik va hatto ijroiya qo‘mitamizning yordamini ham oldik. Ammo keyin siyosiy isteriya boshlandi. Ijroiya qo‘mitasining ba’zi a’zolariga katta bosim bo‘ldi - ular o‘z fikridan qaytmadilar, lekin kutishimizni so‘rashdi, chunki ular shunday shaxsiy hujumlarga duchor bo‘lishdiki, chiday olmadilar.

Men hali ham bolalarga boshqacha munosabatda bo‘lish kerak deb o‘ylayman, chunki bilasizmi, ular qo‘rquv va nafratda tarbiyalangan. "Ular bizni yoqtirmaydilar, bizni yomon ko‘radilar" va hokazo degan fikrlarga borishadi. Agar ular Sloveniyaga o‘ynash uchun kelgan bo‘lsa, ishonchim komilki, sloveniyalik bolalar ularni quchoqlab, ular bilan gaplashishardi. Inglizlar ham, shotlandlar ham, avstriyaliklar ham, kim bo‘lmasin... Ular biz ularning dushmani emasligimizni, xalqlar bir-biriga dushman emasligini tushunishardi. Ammo siyosatchilar bunga ahamiyat bermaydilar.

Ikkinchidan, bolalar hatto ovoz berishmaydi. Ular hech qanday siyosatchini qo‘llab-quvvatlamaydi. Va shu bilan birga, ularga dunyoning boshqa burchaklaridan kelgan bolalar bilan uchrashishga ruxsat berilmaydi. Menimcha, bu juda achinarli. Lekin ba’zida pragmatik bo‘lish kerak, ba’zida esa populist siyosatchilar hujumiga uchragan odamlarni himoya qilish kerak", - dedi UYEFA prezidenti Aleksander Cheferin Politico nashriga bergan intervyusida.