Ispaniya Qirollik futbol federasiyasi "Atletik" bosh murabbiyi Ernesto Valverde va shu jamoa darvozaboni Aleks Padilyaga jazo tayinladi. Bu haqda Marca xabar bermoqda.
Valverde va Padilya chempionatning 3-turidan o‘rin olgan "Betis"ga qarshi o‘yinda (2:1) maydondan chetlatildi. Natijada, murabbiy hakamga nisbatan norozilik va hurmatsiz xatti-harakatlar tufayli 4 ta o‘yinni o‘tkazib yuboradi. Padilya zaxira o‘rindig‘idan maydonga to‘pni tashlab yuborgani tufayli 3 ta o‘yinni o‘tkazib yuboradi.
O‘tgan 3 tur yakunlariga ko‘ra, "Atletik" 9 ochko jamg‘argan holda La Liga turnir jadvalida 2-o‘rinda bormoqda. O‘tgan mavsumda jamoa to‘rtinchi o‘rinni egallagan edi.
