Madridning "Real" klubi sobiq futbolchisi Xakobo Ramon nima uchun "Komo"ga o‘tishga qaror qilgani haqida gapirib berdi.

Italiya klubi iyul oyi oxirida "qaymoqranglilar"ning 20 yoshli markaziy himoyachisi bilan shartnoma imzolaganini e’lon qilgandi. Bitim qiymati 2,5 mln yevroga baholanmoqda, shuningdek, "Real" o‘z tarbiyalanuvchisini birinchi navbatda qayta sotib olish huquqini ham shartnomaga kiritgan.

"Real"dan ketish? Men bu qarordan juda mamnunman. Men oldinga siljish vaqti kelganini his qildim. "Real" - tarixdagi eng yaxshi klub, ammo men o‘yin amaliyotiga ega bo‘lishim kerak. Shuning uchun men "Komo" taklifini qabul qildim, bundan hech qachon afsuslanmadim," - deya ispaniyalikning so‘zlarini keltiradi Madrid Universal.