Futbol mutaxassisi Maykl Ouen "Inter Mayami" jamoasi argentinalik hujumchisi Lionel Messi haqida o‘z mulohazalarini bayon qildi.
"Futbolning go‘zalligi va ulug‘vorligi gol urishda mujassam. Gollar o‘yinlarda g‘alaba qozonishga yordam beradi. Biroq gol urish - dunyodagi eng mushkul ish: buning uchun raqiblardan o‘tib ketish, maydonni ko‘ra bilish va ishni oxiriga yetkazish qobiliyatiga ega bo‘lish, ya’ni Leo Messi qilayotgan ishni amalga oshirish lozim", - deya Ouenning so‘zlarini keltiradi Messi World.
2025 yilda Messi barcha musobaqalarda 27 ta o‘yin o‘tkazib, 22 ta gol urdi va o‘nta golli uzatma muallifi bo‘ldi.
