Футбол мутахассиси Майкл Оуэн "Интер Майами" жамоаси аргентиналик ҳужумчиси Лионель Месси ҳақида ўз мулоҳазаларини баён қилди.
"Футболнинг гўзаллиги ва улуғворлиги гол уришда мужассам. Голлар ўйинларда ғалаба қозонишга ёрдам беради. Бироқ гол уриш - дунёдаги энг мушкул иш: бунинг учун рақиблардан ўтиб кетиш, майдонни кўра билиш ва ишни охирига етказиш қобилиятига эга бўлиш, яъни Лео Месси қилаётган ишни амалга ошириш лозим", - дея Оуэннинг сўзларини келтиради Messi World.
2025 йилда Месси барча мусобақаларда 27 та ўйин ўтказиб, 22 та гол урди ва ўнта голли узатма муаллифи бўлди.
